Organizata joqeveritare “Durmish Asllano” në komunën e Prizrenit, e cila funksionon me tri departamente që mbron dhe promovon kulturën rome përmes këngëve dhe valleve të vjetra, me teatrin “Romano Teatro Rexhip Menekshe” dhe radion “Roman Avazo”, nuk po gjen mbështetje të madhe nga institucionet.
Idetë për të ndërtuar diçka artistike për komunitetin romë, për të janë të shumta, por mbështetja financiare po mungon.
Drejtori ekzekutiv i organizatës joqeveritare “Durmish Asllano”, Fatmir Menekshe, ka folur për KosovaPress rreth shfaqjeve që shfaqen në teatrin e tij.
Menekshe, ka thënë se drama e fundit ka qenë “Në kërkim”, inspiruar nga një vepër e Bretol Bred, e cila kërkon drejtësi, shkencë dhe spiunin.
Arsyeja e shfaqjes së kësaj drame, Menekshe ka thënë se është për shkak të diskriminimit, i cili mund të jetë evident te komuniteti rom.
“Shfaqja e fundit ka qenë shumë sfiduese që edhe vetë teatrot profesionale nuk e sfidojnë vetën me autorin Bretol Bred. Ka pasur qëllim për të reflektuar jetën shoqërore dhe publike të popullatës dhe i cili është cilësua si jo i dashur. Drama ka qenë me titullin “Në kërkim” inspiruar prej një vepre të tij që ka pasur disa akte, por ne kemi trajtuar vetëm tri akte në kërkim të drejtësisë shkencës dhe spiunit, që disa sekuenca tematikat e asaj drame mund të themi që edhe në ditët e sotme për shkak të diskriminimit mund të jenë evidente te jeta e komunitetit rom”, ka thënë Menekshe, shkruan KP.
Menekshe thotë se është e vështirë që të paguajë profesionistët e skenografët, pasi që mbështetja financiare nga Komuna e Prizrenit po mungon. Ai ka përmendur edhe Drejtorinë e Kulturës në këtë komunë, e cila po ndan pak fonde për komunitetin rom.
“Mbështetje financiare ekziston, por jo në normën e duhur. Një dramë e 7 mijë eurove me arritur një sukses të madh është jashtëzakonisht e vështirë, sepse burimet njerëzore e dini se duhet të paguhen, profesionistët, skenografia dhe e gjithë logjistika tjetër. As si përkthyes, as si aktor, nuk jam paguar. Nga ana tjetër, edhe Drejtoria e Kulturës edhe ajo ndan pak fonde për komunitetin rom dhe ai duhet të ngrit pak nivelin e fondeve në mbështetje të komunitetit”, tha ai.
Menekshe, ka shtuar se në këtë mes ka krijuar edhe një mini-bibliotekë me motrën e tij, e cila ka mbi 400 tituj në katër gjuhë.
“Krijuam një mini bibliotekë, ku mund të jetë një hapësirë publike dhe mund të kemi tituj të shumtë dhe kemi më shumë se 400 tituj. Ne i botojmë dhe i lëmë aty i arkivojmë, po ashtu edhe i koleksionojmë për lexuesit kush janë të interesuar jo vetëm rome”, ka thënë Menekshe.
Menekshe kërkon nga institucionet, që dramën “Në kërkim” ta sjellin në Teatrin e Kosovës dhe ta mbështesin atë.
