Ndonëse ditë feste, ajo nuk dallon nga ditët e zakonshme për komunitetin rom që jeton në Kosovë. Në Ditën Ndërkombëtare të Romëve, pjesëtarët e këtij komuniteti që jetojnë në një Lagje në Fushë Kosovë, e përsërisin kërkesën e tyre ndër vite, për t’u dalë në ndihmë institucionale e shoqërore, për shkak të kushteve të rënda të jetesës.
Pavarësisht që për çdo vit në këtë ditë feste ndihmohen nga komuna e Fushë Kosovës, ata kanë edhe disa kërkesa.
Sipas përfaqësuesit të Komuniteteve Rom, Ashkali e Egjiptian, Femi Gashi, është mëse i nevojshëm integrimi i studentëve të këtyre komuniteteve si dhe punësimi i tyre.
E avancim të të drejtave të këtyre komuniteteve ka premtuar Ministri i Administrimit të Pushtetit Lokal, Elbert Krasniqi.
Sipas Krasniqit, këto janë prioritet i tij dhe Qeverisë Kurti.
Në Ditën Ndërkombëtare të Romëve, edhe Presidentja Vjosa Osmani, ka pritur në takim përfaqësues të këtij komuniteti. Presidentja ka dekoruar me Medaljen Presidenciale të Meritave, dramaturgun, gazetarin dhe mësuesin e gjuhës rome, Nexhip Menekshe.
Raporti i gazetares Fetije Kamberi.
