Komuna e Prishtinës ka shprehur shqetësim lidhur me siç ka thënë ‘alarmin e panevojshëm të krijuar nga deklaratat publike të Institutit Kombëtar të Shëndetësisë Publike (IKSHPK) për ujin e pishinës së Gërmisë’.
Sipas Komunës, këto deklarata janë të parakohshme dhe të pambështetura në rezultate përfundimtare, pasi ato thuhet se pritet të publikohen nesër më 25 korrik.
“Çdo komunikim publik para përfundimit të këtyre analizave rrezikon të dezinformojë qytetarët dhe të krijojë konfuzitet”, thuhet në reagim.
Tutje, Komuna ka apeluar për maturi dhe përgjegjësi në komunikimet publike.
“…duke riafirmuar angazhimin për transparencë të plotë dhe bashkëpunim të ngushtë me institucionet përkatëse. Qytetarët do të informohen pa vonesë sapo të publikohen rezultatet zyrtare”, theksohet në njoftim.
Mbyllet përkohësisht pishina e Gërmisë për shkak të standardeve të ujit
