Komuna e Vitisë po kërkon që me qëllim të gjithëpërfshirjes së aplikantëve për subvencione të kulturave bujqësore dhe kërkesave të shumta të fermerëve, afati për aplikim për subvencione të shtyhet edhe më tej.
“Megjithëse është marrë vendim që të shtyhet aplikimi deri më datën 06 prill 2023, konsiderojmë se kjo periudhë është jo e mjaftueshme për të plotësuar gjithë kërkesat që po paraqiten nga fermerët vitias. Shto kësaj edhe problemet teknike siq është mungesa e internetit, numrit të madh të aplikimeve të mbetura etj”, thuhet në arsyetim.
Ndryshe dje ministri i Bujqësisë, Faton Peci, bëri të ditur se afati për aplikim për pagesa direkte për kulturat bujqësore është shtyrë deri më 6 prill.
