Shtatë automjete zyrtare të tipit Seat dhe Reno do të jenë në dispozicion të Komunës së Skënderajt që nga ky muaj.
Ato do të mund të përdoren nga sektori i logjistikës.
E blerja e tyre u bë me plan dhe me procedurë të hapur tenderuese, vlera e së cilave arrin rreth 160 mijë euro.
Kryetari i kësaj komune, Fadil Nura thotë se furnizimi ishte i nevojshëm, meqë tash e 12 vite nuk kishin bërë investime të tilla.
“Këto janë automjete zyrtare për logjistikën e komunës si product i nevojave dhe nuk është investu që 12 vite prej vitit 2010 e kemi një shifër diku në vit mbi 40 euro na ka kushtu mirëmbajtja e automjeteve dhe kjo ka ardhë si rrjedhojë e nevojave për furnizim me automjetet e reja të tipit Reno, Seat . Janë diku 7 automjete që kapin vlerën 160 mijë euro , i kemi shpërnda aty ku ka pas nevoj sipas drejtorive përfshi këtu edhe ndërmarrjen publike lokale …”, tha Nura.
Tutje, Nura thotë se për automjetet e mëherëshme kishin vërejtje nga Auditori, derisa për automjetet e reja thekson se janë ekonomike.
“Për automjetet e kaluara kemi pas edhe vërjetje nga auditori meqë ishin të vjetëra dhe nuk i kanë tregu km, ndërsa këto automjete janë ekonomike sa i përket kubikazhës dhe shpenzimeve tjera…”, shtoi ai.
Sipas tij, këto automjete kanë garancion pesë vite dhe ato pritet të ua lehtësojnë punën sa i përket efikasitet të efiçencës lokale.
