Komuna e Prishtinës ka vendosur të zgjasë orarin e punës për disa shërbime komunale deri në ora 17:00, duke filluar nga data 08.07.2025.
Sipas një njoftimi, ky vendim është marrë për shkak të fluksit të shtuar të qytetarëve dhe pranisë së bashkatdhetarëve nga diaspora.
“Ju njoftojmë se për shkak të fluksit të shtuar të qytetarëve dhe pranisë së bashkatdhetarëve nga diaspora, Kryeqyteti Prishtina ka vendosur të zgjasë orarin e punës për disa shërbime komunale deri në ora 17:00, duke filluar nga data 08.07.2024” – thuhet në njoftim.
Në njoftim është bërë e ditur se orari i ri është “E Hënë – E Premte: 08:00 – 17:00”.
Ndërkaq, orari i ri i zgjatur përfshin këto sportele: Komuna e Vjetër, Qendra për Shërbime me Qytetarë, Gjendja Civile, Komuna e Re, Qendra për Shërbime me Qytetarë, Gjendja Civile, Bashkësia Lokale – Lagjja e Muhaxherëve.Komuna bën të ditur se kjo masë është implementuar për të siguruar të gjitha dokumentet e nevojshme si dhe “për t’ju shërbyer më mirë e për ti përmbushur të gjitha kërkesat e qytetarëve tanë”.
