Drejtori i Shërbimeve Publike në kryeqytet Leutrim Retkoceri njofton se Komuna e Prishtinës ka marrë vendim për lejimin e funksionimit të parkingjeve private.
Retkoceri ka thënë se kjo leje është e përkohshme dhe vlen për 30 ditë, deri në përfundimin e procedurave administrative për pajisje me leje.
“Prishtina ka nevojë për zgjidhje që garantojnë funksionim, jo bllokim. Për këtë arsye kemi marrë vendim që të lejojmë përkohësisht, për 30 ditë, operimin e parkingjeve private që plotësojnë kushtet e sigurisë dhe të qarkullimit, deri në përfundimin e procedurave administrative për pajisje me leje. Interesi publik, funksionimi normal i Kryeqytetit dhe zbatimi i Ligjit ecin paralelisht. Kjo është pikërisht ajo që garanton ky vendim”, ka njoftuar Leutrim Retkoceri përmes rrjetit social “Facebook”.
