Komuna e Prishtinës ka publikuar një video nga rruga “Mon Balaj” në lagjen “Kodrën e Trimave” në Prishtinë, ku mbrëmë qarkullimi u vështirësua për shkak të temperaturave të ulëta dhe reshjeve të borës.
Sipas Komunës, edhe pse përgjegjësia për këtë segment rrugor i takon Ministrisë së Infrastrukturës, ajo thotë se ka ndërhyrë dy herë për të siguruar qarkullimin e sigurt për qytetarët.
Komuna thekson se do të vazhdojë të veprojë në koordinim me Policinë e Kosovës dhe do të marrë çdo masë të nevojshme për të mbrojtur jetën dhe sigurinë në rrugë.
“Ne do të vazhdojmë të veprojmë në mënyrë aktive, në koordinim të plotë me Policinë e Kosovës, dhe do të ndërmarrim çdo masë të nevojshme për të mbrojtur jetën dhe sigurinë e qytetarëve. Interesi publik dhe siguria janë mbi çdo procedurë administrative”, thuhet në njoftim. /teve1.info/
