Përmes njoftimit, kjo organizatë ka bërë të ditur se do të mbështesin Komunën në monitorimin e masave të ndërmarra për të zgjidhur këtë çështje në mënyrë të qëndrueshme dhe humane.
“Organizata jonë do të jetë afër Komunës për ta mbështetur në përgjithësi rreth menaxhimit të popullsisë së qenve në Prishtinë, bazuar në frymën e Strategjisë Kombëtare që është duke u finalizuar nga niveli qendror (MAPL)”, thuhet ndër tjerash në njoftim.
Tutje, Organizata falënderoi Komunën që ka zgjedhur të punojë me një qasje “transparente dhe të qëndrueshme për zgjidhjen e problemit pasi që vetëm me këtë qasje sigurohet efikasitet në reduktimin human të qenve në rrugë dhe rrjedhimisht shpenzim efikas i parasë publike”./teve1.info/
