Kreu i kësaj komune Shpejtim Bulliqi ka njoftuar se këto para janë ndarë për pako ushqimore dhe higjenike.
“Ndahen 70 mijë euro për pako ushqimore dhe higjenike për familjet në nevojë. Sot Kuvendi Komunal në Podujevë ka marrë vendim që të ndahen 70 mijë euro nga kategoria e subvencioneve për familjet skamnore. Si qeverisje komunale angazhohemi vazhdimisht që familjeve me gjendje të vështirë ekonomike t’ju ndihmojmë në forma të ndryshme. Kontaktet e shumta që kemi me donatorë, kemi siguruar jashtëzakonisht shumë ndihma për këto familje. Dua ta theksoj që vetëm gjatë vitit të kaluar kemi siguruar donacione mbi 420 mijë euro dhe po synojmë që përmes subvencioneve e formave të tjera të ndihmës të jemi pranë tyre e të përmirësojmë mirëqenien e tyre. I përgëzoj asamblistët e Kuvendit që unanimisht votuan pro kësaj ndihme!”, ka shkruar ai në Facebook. /Teve1.info/
