Komuna e Podujevës ka ndarë 5 mijë euro për familjen e 18 vjeçarit që vdiq ditë më parë pasi u rrahë nga dy të mitur.
Sipas vendimit, kjo shumë është ndarë për shkak të gjendjes së rënduar ekonomike-sociale të familjes.
Tutje, thuhet se mjetet ndahen nga kategoria e subvencioneve dhe transfereve në kuadër të Drejtorisë së Shëndetësisë dhe Mirëqenies Sociale.
Ndryshe, 18 vjeçari me inicialet L.F., që u rrah brutalisht nga dy të rinj më 14 janar në qytetin e Podujevës ka vdekur në Qendrën Klinike Universitare të Kosovës (QKUK), ku ishte duke marrë trajtim mjekësor.
Viktima vdiq, pasi nuk arriti t’u bënte ballë lëndimeve që kishte marrë në tru.
Ndërsa, Gjykata Themelore në Prishtinë ka vendosur masën e paraburgimit prej një muaji ndaj dy të dyshuarve për vdekjen e 18-vjeçarit nga Podujeva.
