Ky vendim thuhet se është marrë pas ankesave të qytetarëve me qëllim të parandalimit të rrezikimit apo lëndimit të qytetarëve në Bulevardin e qytetit.
Këtë e ka konfirmuar edhe zëdhënësi i komunës së Podujevës Fatri Zhitia i cili ka thënë për Tevë1.info se ka filluar projekti për ndërtimin shtegut të biçikletave mirëpo sipas tij për shkak të motit tani për tani janë ndërprerë punimet.
“Ka filluar zbatimi i projektit për ndërtimin e shtegut të biçikletave në Komunën e Podujevës, në rrugën “Zahir Pajaziti”, e që do i përfshijë edhe rrugët e tjera të qendrës. Mirëpo, për shkak të motit me shi, punimet janë ndërprerë”, ka deklaruar ai.
Ndërsa në vendimin e Komunës së Podujevës thuhet se “Masa e ndalimit të ngasjes së mjeteve sipas nenit 1 bëhet për shkak të pengimi të qarkullimit të lirë të qytetarëve në Sheshin/Bulevardin e qytetit dhe me qëllim të parandalimit të çfarëdo forme të rrezikimit apo lëndimit të qytetarëve, si dhe të evitimit të ndonjë dëmi eventual. Për zbatimin e vendimit kujdesen Drejtoria e Shërbimeve Publike, Mbrojtjes dhe Shpëtimit dhe Drejtoria e isnepksionit, në bashkëpunim dhe koordinim me Policinë e Kosovës”, thuhet në vendimin e Bulliqit.
