Komuna e Pejës fton qytetarët që sot t’i kufizojnë maksimalisht lëvizjet me vetura nëpër rrugët e qytetit.
Përmes një njoftimi, Drejtoria për Punë Komunale dhe Shërbime Publike – Pejë bën të ditur se rrugët do të pastrohen, pas vërshimeve të cilat i kanë lënë të mbuluara me baltë, përcjell teve1.info
“Pas vërshimeve të ndodhura para 2 ditësh, rrugët në qytet kan mbetur të mbuluara nga balta dhe zhavorri. Me qëllimt të pastrimit të tyre, Komuna e Pejës do të angazhoj disa cisterna, e ku do të ndihmohet edhe nga Komunat: Istog, Deçan dhe Gjakovë. Po ashtu për ndihmë na janë ofruar edhe shumë komuna tjera, për të cilën gjë ne ju jemi mirënjohës. Andaj me qëllim të mos pengimit, mos dëmtimit eventual të veturave gjatë pastrimit të rrugëve, dhe mos krijimit të tollovive në trafik, edhe një herë kërkojmë nga ju që maksimalisht të reduktoni lëvizjet me automjete nëpër rrugët në qytet”, bëhet e ditur në njoftim.
Sasia e madhe e ujit që përfshiu Pejën të shtunën shkaktoi përmbytje, ku si pasojë dy persona humbën jetën. /Teve1.info/