Shiriti për të ndaluar punën tashmë është vendosur.
Edhe të enjten, Policia e Kosovës qëndruan pranë këtij biznesi në veri të Mitrovicës duke asistuar inspektoratin sanitar të Ministrisë së Shëndetësisë dhe atë të inspektoratit komunal, të cilët e filluan këtë aksion nga e marta.
“Inspektorati i shëndetësisë së komunës së Mitrovicës së veriut tash e disa ditë disa inspektime në biznese këtu në Mitrovicë të Veriut. Të njëjtit edhe sot gjatë ditës kanë inspektuar një hotel këtu në veri të Mitrovicës në të cilin kanë gjetur produkte me afat të skaduar dhe të paregjistruar”.
Bartja e produkteve dhe llojeve të mishrave u bë në qese të zeza, për çka u dërguan për asgjësim.
Për të vëzhguar situatën, erdhën edhe pjesëtarë të karabinierëve italianë.
Pas përfundimit të aksionit, situata vazhdoi të mbetet e qetë.
Kryetari i komunës së Mitrovicës së veriut, Erden Atiq tha për Tëvë1 se ky biznes por edhe të tjerë në të cilët janë duke u kryer inspektime, janë mbyllur përkohësisht dhe u janë shqiptuar gjoba.
“Në një numër të bizneseve janë mbyllur deri në një vendim të ardhshëm funksionimi i bizneseve ka pasur gjetje në disa lokale të gastronomisë, ka pas mish me afat të skaduar, kuzhina në kushte jo adekuate, kështu që disa janë mbyllur deri në një vendin të ardhshëm disave janë shqiptuar edhe gjoba”, ka deklaruar ai.
Sipas Atiq, deri tani janë evidentuar parregullsi të shumta në bizneset që operojnë në veri, kryesisht të gastronomisë.
“Janë evidentuar një numër i madh i parregullsive edhe në kuptimin e kushteve dhe funksionimit normal të bizneseve të dimensionit të gastronomisë. Në bashkëpunim me inspekcionin sanitar në kuadër të Ministrisë së Shëndetësisë dhe Drejtoria e Inspekcionit në komunën tonë gjithashtu me përkrahjen e policinë rajonale e kemi marrë këtë kontroll më të gjerë dhe më të detajuar “.
Se këto aksione po zhvillohen në mënyrë të qetë, e thotë edhe zëvendësdrejtori i Policisë për rajonin e veriut, Veton Elshani.
“Jo nuk ka ndonjë problem, Mitrovica e veriut është angazhuar më shumë që së paku e dyta ditë është që jemi të angazhuar mfjatë në asistim të tyne, inspektorati sanitar, inspektorati komunal lirimin e rrugëve, ushqime që ata i kryejnë detyrat e tyre ne jemi duke asistua me polic të rregullt tonë”, ka pohuar Elshani.
Aksioni i komunës së Mitrovicës së Veriut do të vazhdojë edhe ditëve në vijim.
