I ndanë vetëm materiali i betonizuar që është vendosur në vitin 2011.
Ura e Ibrit e cila i ndanë qytetarët jugor nga ata veriorë, është bërë temë aktuale pasi institucionet e Kosovës po bëjnë thirrje për hapjen e saj, që qytetarët të lëvizin lirshëm.
Ngjashëm mendon kryetari i komunës së veriut të Mitrovicës, Erden Atiq, i cili për Tëvë1 thotë se është i gatshëm të ndërmarrë veprimet e nevojshme për hapjen e urës.
Por kërkesat e BE-së janë për koordinimin e vendimit e që sipas Atiq, këtë nuk ua kanë thënë ndërkombëtarët asnjëherë atij në takim.
“ Sa i përket urës së Ibrit, e pat marrë shumicën e votave në Asamblenë komunale të komunës së veriut të Mitrovicës, tash përgjegjësia është në ministrinë e Administrimit të Pushtetit Lokal. Neve si komunë nuk është se na sjellë telashe për arsyeje se është një rrugë kyçe me komunën tjetër asaj të jugut. Me takimet që unë i kam pas si kryetar komune, asnjëherë nuk është diskutuar ura e ibrit”, ka deklaruar ai.
Ditëve të fundit në këtë komunë të banuar kryesisht me serb, ka filluar edhe largimi i objekteve të cilat kanë uzurpuar pronën publike. Sipas të parit të kësaj komune, të gjitha ndërtimet pa leje do të rrënohen.
“Ka hy në fuqi rregullorja e re komunale, e cila e përcakton shfrytëzim e hapësirave publike, tarifat e metrit katror e tjera. Dhe kemi filluar menjëherë me aplikim e kësaj mase, si dhe rrënimin e objekteve afariste të cilët e kanë shfrytëzuar, e kanë uzurpuar pronën publike ose e kanë ndërtua pa leje edhe gradualisht jemi duke i liruar këto hapësira”
Më 24 shtator në Banjskë, ish nënkryetari i Listës Serbe, Millan Radojçiq, kreu sulm paraushtarak në Zveçan, e për këtë Listës Serbe tashmë i ka rënë ndikimi në veri.
“ Sa i përket Listës Serbe, u dëshmua, nënkryetari i tyre organizoi sulm terrorist ku u vra dëshmori i fundit të Republikës së Kosovës, rreshteri Afrim Bunjaku, tash kjo e tregon natyrën e një entiteti e cila është gjithçka përveç, subjekt politik. E ka humbur ndikimin”,
Komuna veriore e udhëhequr tashmë nga shqiptarët, ka deponuar në prokurori dëshmi për keqpërdorim të parasë publike dhe dhënien e tenderëve të bashkëpunëtorëve të Millan Radojçiq, për çka edhe kanë nisur hetimet.
“ Ditët edhe muajt në vazhdim kanë me vazhdua denoncimet nga ana jonë, ka pas keqpërdorime të mëdha milionëshe. Duke filluar nga punësimet, nepotizëm, keqpërdorim të parasë publike, shpallje të tenderëve 3-4 herë, buxhet për rrugët që nuk janë shtruar, tenderë po po”.
Më 19 maj 2023, Erden Atiq mori detyrën si kryetar legjitim i kësaj komune, ndonëse kishte një dalje të vogël të qytetarëve për të votuar.