Komuna e Kamenicës ka shprehur ngushëllime për vdekjen e drejtoreshës së Shëndetësisë dhe Mirëqenies Sociale, Greta Kryeziu.
Në njoftimin e lëshuar thuhet se humbja e saj është një goditje e madhe për institucionin dhe për komunitetin.
E ndjera ishte duke u përballur me një sëmundje të rëndë. Për shërimin e saj, u kërkua edhe ndihmë.
Komuna njoftoi se mbledhja e fondeve është ndalur dhe i falënderon të gjithë që ndihmuan.
“Në të njëjtën kohë, shprehim falënderimin më të madh për qytetarët, bizneset dhe bashkatdhetarët që u mobilizuan dhe ofruan mbështetje në ditët më të vështira për Gretën dhe familjen e saj”, thuhet në njoftim.
“Duke marrë parasysh rrethanat, ju njoftojmë se mbledhja e fondeve ndalet dhe ju falënderojmë të gjithëve për solidaritetin dhe zemërgjerësinë e treguar”. /teve1.info/
