Sipas një postimi të Drejtoreshës për Kulturë, Rini dhe Sport në këtë Komunë, Laureta Thaqi, restoranti do të ofroj ushqime tradicionale.
“Gratë e Qendrës për Promovimin e Drejtave të Grave hapin restorantin “Te Anna” me ushqime tradicionale Qendra për Promovimin e Drejtave të Grave ka zgjeruar edhe më shumë aktivitetet e saj me hapjen e restorantit “Te Anna” në Drenas.
Në këtë restorant do të servohen ushqime tradicionale të cilat përgatiten nga gratë e kësaj qendre të cilat përmes shitjes së produkteve tyre do të vetëpunësohen duke ndikuar në rritjen e mirëqenies sociale dhe ekonomike tyre.
Drejtoresha për Kulturë, Rini dhe Sport, Laureta Thaqi theksoi se ky restorant i ka munguar qytetit të Drenasit, dhe se do të ndikoj në fuqizimin ekonomik e social të grave.
Ndërsa, edhe udhëheqësja e kësaj qendre, Kadire Tahiraj duke falënderuar donatorët për ndihmën ndaj organizatës, shprehu kënaqësinë që gratë do kenë një lokal që mund ta frekuentojnë dhe të shërbehen me ushqime tradicionale nga gratë e qendrës.
Urime dhe shumë suksese për gratë punëtore të QPDG-së”, thuhet në njoftimin e komunës.
