E për neglizhencë dhe mos largimin e tyre, drejtoria e Inspekcionit në këtë komunë ka gjobitur me 5 mijë euro Ndërmarrjen Regjionale të Pastrimit.
Këtë gjobë do të paguajnë si shkak i mosrespektimit të marrëveshjes dhe Ligjit për menaxhimin e mbeturinave dhe ankesave të vazhdueshme të qytetarëve për mospërgjegjësi të kompanisë.
‘’Kompania nuk është treguar e përgjegjshme ndaj shërbimit me qytetarë prandaj jemi detyrua me denu për me mbrojt konsumatorin këtë rast qytetarin që me iu kry shërbimi sipas kontratës individuale që e kanë me kompaninë pastrimi. Ligji na detyron me pas një gjobë mandatore dhe për këtë arsye ndoshta edhe është pak krahasim me punët që nuk i ka kry kompania”, ka thënë Bekim Dobra, Shef i zyrës së informimit në këtë komunë.
Ai thotë se janë në dijeni që ndërmarrja e pastrimit ka probleme financiare, por kjo nuk arsyetohet me faktin që duhet kryer angazhimet për çka edhe janë pajtuar.
“Ka përmirësim ne e kuptojmë pak a shumë gjendjen financiare dhe gjendjen e përgjithshme të ndërmarrjes së pastrimit që ka probleme financiare dhe të çështjeve teknike në teren por nuk arsyetohet karshi shërbimeve që duhet kryer ndaj qytetarëve”, tha ai.
Pas insistimit të televizionit për të marrë informacione nga ndërmarrja regjionale rreth gjobës së dhënë, këta të fundit nuk ishin të qasshëm, duke refuzuar në këtë formë të japin përgjigje lidhur me këtë çështje.
Ndryshe muaj më parë edhe iniciativa “Green për Drenasin” drejtoi akuza për keqmenaxhim me mbeturina, mbushje të stacionit transferues me to dhe mospërmbushje të obligimeve që parashohin mbledhjen e tyre për çdo javë në adresë të kompanisë “Pastrimi” dhe të Komunës së Drenasit.
Kronika e realizuar nga Lendrina Kodrolli
