Kompania e “AFSA Arms” sqarohet për publikun se numri real i produkteve që kanë në stok është rreth 600 copë.
Nga kjo kompani thonë se, gjatë një interviste për Tëvë1 ka ndodhur një gabim teknik, ku një punonjës ka thënë se kanë 1 milionë copë, gjë për të cilën e ka ngatërruar me vlerën financiare të qarkullimit të kompanisë.
“Stafi i kompanisë sonë kërkon ndjesë për këtë pasaktësi teknike të ndodhur gjatë intervistës dhe shpreh keqardhje për çdo keqkuptim që mund të jetë shkaktuar në publik si rezultat i saj.
Jemi të përkushtuar që komunikimi ynë me opinionin publik të jetë gjithmonë i saktë, transparent dhe profesional”, thuhet në reagim./teve1.info/
