Në Komisionin për Legjislacion është paraparë të bëhet shqyrtimi i raportit të mbikëqyrjes së Ligjit për Noterinë, shqyrtimi i Raportit të mbikëqyrjes së Ligjit për mbikëqyrjen elektronike të personave, të cilëve u kufizohet lëvizja me vendim të gjykatës, shqyrtimi i raportit me amendamente për Projektligjin për Kompensimin e Viktimave të Krimit, formimi i grupit të punës për projektligjin për Byronë Shtetërore për Verifikimin dhe Konfiskimin e Pasurisë së Pajustifikueshme dhe caktimi i datës për intervistimin e kandidatëve për anëtar të Këshillit Gjyqësor të Kosovës.
Kurse Komisioni për Mbikëqyrjen e Agjencisë së Kosovës për Inteligjencë, pritet të diskutoj lidhur me realizimin e Planit të Punës së Komisionit për sesionin pranveror.
Ndërkaq në mbledhjen e Komisionit për Buxhet, Punë dhe Transfere, bëhet shqyrtimi i raportit vjetor Financiar i Komisionit të Pavarur për Miniera dhe Minerale për vitin 2021; shqyrtimi i Raportit Vjetor Financiar i Autoritetit Kosovar të Konkurrencës për vitin 2021.
