Komisioni i Garave i Federatës së Futbollit të Kosovës mori vendim të shpejtë paksa dhe regjistroi të gjitha ndeshjet e xhiros së 36 me rezultate të arritura, përfshirë edhe dy ndeshjet e dyshuara për kurdisje – Ferizaj -Dukagjini dhe Trepça ’89 – Prishtina.
Ferizaj dhe Trepça ’89 fituan ndeshjet e tyre me gola të dyshimtë. Si Ferizaj ashtu edhe 89-shi fituan me rezultatin, 2:1 të dielën.
Ferizaj me fitore siguroi barazhin, kurse 89-shi edicionin e ri do të marrë pjesë në Ligën e Parë. Për dy ndeshjet e dyshuara për kurdisje ka nisur hetim. KG-ja ka hapur procedurë disiplinore për hedhje të gjësendeve dhe mjeteve piroteknike në fushë.
