Lëvizja Vetvendosje e Partia Demokratike e Kosovës përsëri nuk ranë dakord.
Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, nuk ka arritur që të nxjerrë një përfundim lidhur me listën e dëshmitarëve që do të ftohen për intervistim.
Kryetari i këtij komisioni, Hajdar Beqa, tha se duhet larguar nga lista personat të cilët e kanë të pamundur të jenë të pranishëm.
Sipas tij, ftesa për ata që nuk mund të vijnë, do të pengojë zhvillimin e këtij procesi.
Ndërkohë mendim të kundërt kanë nga pozita.
Arbër Rexhaj, anëtar i komisionit thotë së duhet ftuar të gjithë ata që dikur kanë qenë përgjegjës.
Më 5 maj 2022, me 95 vota për, asnjë kundër dhe asnjë abstenim, Kuvendi i Kosovës ka themeluar Komisionin hetimor për energji që do të ketë objekt hetimi procesin e vendimmarrjes në sektorin e energjisë.
Raporti i gazetares Valëza Sylejmani.
