E nga themelimi i tij, janë mbajtur gjithsej katër takime në kuadër të komisionit. I fundit ka qenë para një muaji, më 26 tetor.
Sipas njoftimit në faqen e Zyrës së Kryeministrit, deri në këtë periudhë janë miratuar vetëm dy udhëzime.
“Udhëzimi i parë, për Licencimin e profesionistëve shëndetësorë të huaj, synon të lehtësojë ardhjen e profesionistëve shëndetësorë të mërgatës dhe të huaj, për të plotësuar ofrimin e shërbimeve që mungojnë ose rrezikojnë të mos ofrohen në institucionet publike shëndetësore. Ndërsa, udhëzimi i dytë, për Thjeshtimin e procedurave për regjistrimin dhe importin e produkteve medicinale, që nuk kanë paralele të autorizuara në Republikën e Kosovës, do të sigurojë që barnat pa garanci të cilësisë nuk do të mund të futen në konkurrencë për tenderë të shpallur nga institucione publike shëndetësore”, thuhet në njoftim.
Në krye të këtij komisionit do të vazhdojë të jetë kryeministri Kurti.
E deputeti i Partisë Demokratike të Kosovës, Bekim Haxhiu thotë se ky komision duhet të shfuqizohet.
Madje Haxhiu, themelimin e këtij komisioni e lidh me dorëheqjen e ministrit Latifi.
Në anën tjetër, njohësi i shëndetësisë, Bujar Vitija thotë se është harruar ky sektor nga Kurti dhe ekzekutivi.
Kurse, rreth dy muaj pas dorëheqjes së ministrit të shëndetësisë, nga ekzekutivi ende nuk na ndonjë vendim se kush do të emërohet në vend të tij.
Kronika e gazetares Fetije Kamberi.
