Komandantja supreme, Vjosa Osmani po merr pjesë në ceremoninë në ambientet e kazermës “Adem Jashari”, në Prishtinë e cila po mbahet në nder të “Epopesë së UÇK-së”.
Osmani me këtë rast, ka parakaluar pran pjesëtarëve të Forcës së Sigurisë së Kosovës.
Ajo më herët ishte e pranishme edhe në seancën solemne të Kuvendit, ku tha se Adem Jashari ishte kryepersonazh me të cilin identifikohet lufta për liri e pavarësi.
“Sa herë vjen marsi kujtimet tona rikthejnë natyrshëm në vëmendje periudhën më të lavdishme të historisë së popullit tonë që lidhet me përpjekjet tona për liri dhe për shtet. Një muaj kur shpirti i paepur i Adem Jashari dhe i UÇK-së i dha hov luftës kundër regjimit gjenocidal të Millosheviqit. Sërish vjen marsi nuk është më vetëm një refren kënge, është moto e kujtesës dhe nderimit të luftës sonë për liri e pavarësi e cila pa dyshim identifikohet me kryepersonazhin e luftës sonë, komandantin legjendar Adem Jashari, familjen e tij”, është shprehur ajo.
Pjesëmarrës në këtë ngjarje, janë edhe kryeministri, Albin Kurti, kryeparlamentari, Glauk Konjufca e familja Jashari.
