Komandanti i misionit të udhëhequr nga NATO, KFOR, gjeneralmajor Ozkan Ulutas, ka njoftuar se ka pritur në takim Përfaqësuesin Special të Sekretarit të Përgjithshëm të OKB-së dhe shefin e UNMIK-ut, Peter N. Due, në selinë e KFOR-it në Camp Film City në Prishtinë.
Përmes një postimi në Facebook, temë diskutimi ka qenë situata aktuale e sigurisë në Kosovë, si dhe bashkëpunimi i ngushtë mes KFOR-it dhe UNMIK-ut në ruajtjen e stabilitetit.
“Gjeneral Major Ulutas riafirmoi angazhimin e KFOR-it për koordinim të vazhdueshëm midis dy misioneve, me qëllim ruajtjen e një mjedisi të sigurt për të gjithë njerëzit në të gjithë Kosovën”, u tha tutje në postim./teve1.info/
