Komandanti i Forcës së Sigurisë së Kosovës, gjenerallejtënant Bashkim Jashari, ka pritur në një takim mirëseardhës zëvendëskomandantin e KFOR-it, gjeneral Brigade Federico Collina.
Sipas njoftimit, gjatë takimit është biseduar për zhvillimet e fundit brenda FSK-së, përfshirë trajnimet, stërvitjet, operacionet dhe sfidat me të cilat përballet forca.
Po ashtu, Jashari dhe Collina diskutuan edhe për situatën aktuale të sigurisë në vend dhe në rajon, si dhe për sfidat e përbashkëta që ndikojnë në stabilitetin e përgjithshëm.
Të dy komandantët theksuan rëndësinë e vazhdimit dhe thellimit të bashkëpunimit mes FSK-së dhe KFOR-it, i cili, sipas tyre, mbetet i domosdoshëm për forcimin e paqes dhe sigurisë në Kosovë dhe më gjerë./teve1.info./
