Sipas një komunikate për media nga Forca e Sigurisë së Kosovës, fillimisht gjatë kësaj vizite Gjeneral Jashari u prit nga Gjenerali Corell dhe stafi i tij ku u diskutua lidhur me bashkëpunimin e deritanishëm dhe fushat e mundshme të bashkëpunimit për të ardhmen.
“Gjeneral Jashari më pas vizitoi ushtrimet dhe trajnimet që po realizohen në Kampin Dodge, ku po marrin pjesë edhe ekipe të FSK-së. Gjatë vizitës në Institutin Regjional të Trajnimit në Ajova dhe në Kompaninë e 209-të të Mjekësisë, Gjeneral Jashari vëzhgoi pjesëtarët e FSK-së që po trajnohen për aftësitë e medikut në fushëbeteje dhe drillet e fushëbetejës. Po ashtu gjatë ditës, Gjeneral JASHARI vizitoi kapacitet trajnuese të qëndrueshmërisë dhe mirëmbajtjes në Gardën Kombëtare të Ajovas”, thuhet në njoftim, transmeton teve1.info..
Më tej në bëhet e ditur se Gjeneral Jashari do të vazhdoj vizitën nëpër njësi tjera të GKA ku do të prezantohen kapacitetet tjera ushtarake e gjithashtu do të vëzhgojë nga afër ushtrimin e sigurisë kibernetike që është duke u realizuar në Universitetin Shtetëror të Ajovas. Ky aktivitet zhvillohet njëkohësisht në mes FSK-së, Gardës Kombëtare të Ajovas, Universitetit të Prishtinës, dhe institucioneve tjera të arsimit të lartë në Kosovë.
“Gjeneral JASHARI do të vazhdojë vizitën në SHBA duke parë nga afër edhe ushtrime e stërvitje tjera ku janë duke marrë pjesë edhe pjesëtarë të FSK-së. Ndër to do të përcillen edhe stërvitjet për zhvillimin e aftësive në fusha të ndryshme të manovrës luftarake që janë duke u realizuar në Kampin Atterbury në shtetin Indiana”, thuhet në njoftimin e FSJ-së./Teve1.info
