Instituti i Kosovës për Drejtësi e ka vlerësuar si ta pamatur deklaratën e ministres së Drejtësisë, Albulena Haxhiu, e cila për raportin e publikuar nga IDK lidhur me reformën në drejtësi ka thënë se ky raport nuk qëndron dhe se nuk është i bazuar në informacione të sakta.
Por, Melos Kolshi nga IKD ka thënë se rezultatet e tyre janë të bazuara në fakte.
“Ne si IKD analizat që i hartojmë i bazojmë në fakte në legjislacion në fuqi dhe gjithashtu i bazojmë në mendimet e Gjykatës Evropianë të të Drejtave të Njeriut dhe Komisionit të Venecias në këtë rast. Sa i përket deklaratës së saj (ministres) e shoh si jo shumë të matur, pasi përgjegjësia për prishje e marrëveshjeve i takon MD-së”, ka thënë ai në emisionin “Ditari” në Tëvë 1.
Ai ka thënë se ministrja Haxhiu duhet të kujdeset që reforma në drejtësi të mos dështojë dhe se mungesa e komunikimit me KGJK-në KPK-në është problemi kryesor.
Probleme në reformën për drejtësi janë evidentuar nga Instituti i Kosovës për Drejtësi. Në disa prej ndryshimeve të ligjeve të iniciuara nga Ministria e Drejtësisë, janë gjetur shkelje të Kushtetutës.
Kritika projektligjeve të Ministrisë së Drejtësisë, IKD gjen shkelje të kushtetutës
