Kolonës së automjeteve të cilat po presin që të dalin nga Kosova, nuk po i shihet fundi.
Edhe mesditën e së shtunës në pikëkalimin kufitar Dheu i Bardhë që lidh Kosovën me Serbinë, qytetarët po prisnin me orë të tëra për ta kaluar kufirin.
Pritjet e tyre i bën më të mundimshme temperaturat e larta që po mbizotëronin.
Por e gjithë kjo situatë duket se nuk ishte e panjohur për ta.
“1 orë e gjysmë pritëm deri qetash. Nam apet, vjet ma shumë kena prit – nja pesë orë po”, thotë një qytetar.
“1 orë e gjys, normal osht, jena mësu”, thotë një qytetar tjetër.
Ndërsa bashkatdhetarët që e kaluan këtë pikë për të hyrë në Kosovë, thanë se pritjet nëpër pika kufitare të shteteve tjera ishin edhe më të mundimshme.
“Hungari, Serbi katër orë e gjys. Arsyet, hungarët nuk punojnë se komunista janë. Këtu tek na perfekt”, thotë Safet Dobruna, qytetar.
“Më së shumti që na ka ra me prit është në hyrje të Serbisë, t’u e lirë Kroacinë edhe këtu tash. Nuk e dimë arsyet pse pritëm, edhe nuk është që bëjnë najfarë kontrolle veç maltretim”, theksoi një qytetar tjetër.
Sipas Qendrës Kombëtare të Menaxhimit kufitar, pritje të gjata mëngjesin e së shtunës kishte edhe në pikëkalimet kufitare në Merdarë, Jarinje e Muçibabë.
Kronika e realizuar nga gazetari Gojart Jashari.
