Qendra Kombëtare për Menaxhimin Kufitar njofton se situata në vendkalimet kufitare është kryesisht e qetë dhe e menaxhueshme, me përjashtim të disa pikave ku janë regjistruar vonesa më të theksuara, veçanërisht për automjetet që dalin nga territori i Kosovës.
Në Dheun e Bardhë, pritjet në dalje janë rritur ndjeshëm, me një kohë mesatare prej 90 minutash dhe kolonë prej rreth 800 metrash. Ndërkohë, në hyrje pritja mbetet minimale, vetëm 5 minuta.
Në Merdarë, gjithashtu janë shënuar vonesa në dalje, me 15-20 minuta pritje dhe një kolonë prej 150 metrash. Hyrja nga ky vendkalim është më e lehtë, me pritje prej 3-5 minutash.
Në Jarinje, hyrja është më e ngarkuar pas Dheut të Bardhë, me kohë pritjeje 10-15 minuta, ndërsa në dalje situata është më e qetë, me 5 minuta pritje.
Ndërkohë, në Bërnjak, qarkullimi është i lehtë si për hyrje ashtu edhe për dalje, me pritje prej vetëm 3-5 minutash dhe pa kolona të raportuara, si për automjetet ashtu edhe për kamionët.
Qendra bën apel për qytetarët që të planifikojnë udhëtimin duke marrë parasysh kohën e pritjes në pikat kufitare dhe të shfrytëzojnë alternativat më të lira kur është e mundur.
