Organizata “Kolektivi për Mendim dhe Veprim Feminist” ka reaguar ndaj vendimit të Presidentes së Kosovës, Vjosa Osmani, për t’u bashkuar me “Bordin e Paqes”, një trupë ndërkombëtare e krijuar nga Donald Trump.
Ky veprim ka shkaktuar shqetësim mes aktivistëve dhe qytetarëve, duke e konsideruar si një legjitimim të kolonializmit të mëtejshëm ndaj popullit palestinez.
Në një postim në Facebook, Kolektivi për Mendim dhe Veprim Feminist ka theksuar se ky hap i Osmanit është një manovër populiste dhe një tregti e rrezikshme e sigurisë kombëtare të Kosovës në këmim të aleancave ndërkombëtare.
Ata e konsiderojnë këtë si një akt të bashkëfajësisë në kolonizimin e një populli tjetër, duke i kërkuar Kuvendit të Kosovës të mos e ratifikojë këtë marrëveshje.
Në këtë kuadër, aktivistët kanë realizuar një aksion para Presidencës së Kosovës, duke kërkuar që vendimi për t’u bashkuar me Bordin e Paqes të rishikohet dhe të anulohet, duke theksuar se Kosova nuk mund të jetë pjesë e një ndërmarrjeje që shpërfill vuajtjet dhe lirinë e popujve të tjerë.
Aksioni dhe ky qëndrim i organizatës shprehin solidaritetin e plotë me popullin palestinez dhe përpjekjet e tij për çlirim.
“Kolektivi për Mendim dhe Veprim Feminist” i bën thirrje qytetarëve dhe institucioneve të Kosovës të refuzojnë çdo formë të bashkëpunimit me projekte që legjitimojnë dhunën, kolonializmin dhe shtypjen e popujve të tjerë./teve1.info/
