Astrit Kolaj nga Instituti i Kosovës për Drejtësi ka deklaruar se Gjykata Kushtetuese është brenda afatit të vetë ligjor duke trajtuar kërkesën nga AAK-ja për votim të fshehtë.
Kolaj thotë se Gjykata nuk ka bërë ndonjë vonesë në trajtimin dhe drejtimin e kësaj kërkese.
Sipas tij, Gjykata ka afat deri në 60 ditë apo dy muaj për të shqyrtuar kërkesën.
I pyetur se sa po dëmtohet buxheti nëpër seancat e dështuara, Kolaj thotë se në aspektin moral punën që janë duke e bërë deputetët nuk iu takon.
“Realisht Gjykata Kushtetuese është brenda afatit të vetë ligjor për të trajtuar kërkesën e drejtuar nga Aleanca për Ardhmërinë e Kosovës dhe ajo nuk është jashtë afatit që mund të vlerësojmë që ka bërë ndonjë vonesë në trajtimin dhe drejtimin e kësaj kërkese. Në këtë rast Gjykata Kushtetuese ka afat paraparë deri në 60 ditë apo dy muaj, megjithatë procedurat që kërkohen ka raste që mund të vonohet edhe pas këtij afati, mirëpo tani për tani është brenda afateve ligjore. Realisht duke parë situatën në cilën jemi është shumë me rëndësi që në të ardhmen të bëhet një definim më i mirë ligjor dhe mos të kemi probleme të tilla siç u paraqiten në këtë legjislaturë në mungesë të një vakumi politik ne të shkojmë në pafundësi të seancave të mbajtura brenda 48 orëve dhe nuk mund të dimë deri kur mund të përfundojë ky proces i nisur dhe është me rëndësi që në të ardhmen të bëhen ndryshime adekuate dhe mos të kemi probleme të tilla siç janë tani…..Në aspektin moral, punën që janë tu e bërë ata nuk iu takon, ndërsa në aspektin ligjor gjithsesi se iu takon atyre. Siç janë duke shkuar ata, pagën e marrin në mënyrë të pamerituar ”, ka thënë ai në emisionin “Ditari” në tëvë1./teve1.info/
