Komiteti Olimpik i Kosovës (KOK), ka shpallur të martën mbrëma sportistët më të mirë të vitit 2024 në Kosovë, në një ceremoni gala “Laureatët 2024”
Nënkampionia olimpike, xhudistja Distria Krasniqi, dhe xhudisti Akil Gjakova, që doli i pesti në Lojërat Olimpike, u shpallën më të mirë të vitit.
Krasniqi u shpall sportistja më e mirë për vitin 2024 kurse Gjakova ishte sportisti më i mirë.
Për Krasniqin, kjo ishte hera e pestë radhazi që shpallet sportistja më e mirë e vitit nga KOK-u.
Trajneri i xhudos, Driton Kuka e fitoi çmimin për trajnerin më të mirë të vitit për herën e nëntë rresht.
Me çmime speciale, KOK-u nderoi xhudisten Laura Fazliu dhe futbollistin Edon Zhegrova.
Kombëtaret më të mira, u shpallen ajo e hendbollit të femrat dhe futbollit të meshkujt.
Ndërkohë, Shpresa olimpike u shpallën xhudistja Sidorela Dodaj dhe basketbollisti Ylli Kastrati.
