Besim Kodra nga Shoqata e të Drejtave të Pacientëve në Kosovë, ka thënë se çdo qytetar ka të drejtë të qasjes së barabartë në shërbime shëndetësore pa asnjë lloj diskriminimi.
Ai këtë reagim e ka bërë duke iu referuar marrëveshjes në mes të Policisë së Kosovës dhe Shërbimit Spitalor Klinik Universitar të Kosovës që pjesëtarëve të PK-së dhe rekrutëve t’iu ofrohet prioritet në shërbimet mjekësore dhe të lirohen nga pagesat.
Kodra ka thënë se një marrëveshje e tillë është e kundërligjshme.
“Çdo qytetar ka të drejte të qasjes së barabartë në shërbime shëndetësore pa asnjë lloj diskriminimi. Kjo sipas ligjit!Rrjedhimisht, një marrëveshje e tillë është e kundërligjshme! Me pas dasht veç pak ma shumë këtë shtet ( ju ose paraardhësit e juaj), e kishit rregullu shëndetësinë për të gjithë qytetarët e nuk do të kishim nevojë fare për këso marrëveshjesh! Punë për Avokatin e Popullit…”, ka shkruar ai në Facebook.
