Përmes një akti simbolik të prerjes së flokëve, avokati Arianit Koci ka protestuar sërish për moskonstituimin e Kuvendit të Kosovës.
Koci ka thënë se me këtë veprim të tij dëshiron të tregojë se krizës politike i ka ardhur fundi, pasi, sipas tij, po rrezikohet shtetësia e Kosovës.
Koci ka theksuar se protesta e tij i dedikohet edhe qytetarëve, të cilët sipas tij, kanë rënë në gjumë dhe janë në një “depresion kolektiv”.
“Me këtë akt simbolik po du me tregu që i ka ardhur fundi. Kjo është e tepërt. Po na rrezikohet edhe shtetësia e Kosovës. Miq e armiq tanë po binden që ne nuk jemi të aftë me e mbajt një shtet. Unë kërkoj që menjëherë sot të formohet Kuvendi dhe kjo protestë nuk është vetëm për politikanët, por edhe për gjithë popullin i cili ka rënë në gjumë edhe është në një depresion kolektiv”, ka thënë ai.
