Drejtuesit e koalicionit për Familjen, Eman Rrahmani, Selim Pacolli, Ferid Agani dhe Fatmir Smajli u takuan sot me kryetarin e Organizatës së Veteranëve të Luftës së UÇK-së, Hysni Gucatin dhe ish-pjesëtarin e UÇK-së, Fatmir Sopi.
Gjatë takimit, ata kanë diskutuar për çështjet që ndërlidhen me të drejtat dhe sfidat me të cilat përballen veteranët.
“Gjatë takimit, u diskutuan çështje të rëndësishme që lidhen me të drejtat dhe sfidat me të cilat përballen veteranët, duke përfshirë përmirësimin e kushteve sociale, shëndetësore, si dhe mbrojtjen e dinjitetit të tyre. Liderët e koalicionit theksuan angazhimin e tyre të fortë për mbështetje konkrete dhe intensivimin e dialogut me qëllim që të zgjidhen problemet që prekin kategoritë e dala nga lufta”, thuhet në komunikatë.
Ndërkohë, drejtuesit e këtij koalicioni u shprehën të vendosur për të punuar së bashku dhe për të siguruar një mbështetje për ish-luftëtarët./teve1.info/
