“KMDLNj e vlerëson Departamentin Shëndetësor të Burgjeve për angazhimin dhe intervenimin e shpejtë në të dy rastet, atij të Bajram Shala dhe Bojan Filiq të cilat për shkak të natyrës së rëndë kanë përfunduar me fatalitet. KMDLNj-ë shpreh shqetësim që për shkak të burokracisë tenderuese e që, për pasojë furnizimi me barëra nuk është në nivelin e kënaqshëm.KMDLNj-ë ri aktualizon kërkesën e domosdoshmërisë së ndërtimit të një Spitali në kuadër të Shërbimit Korrektues të Kosovës që do të plotësonte nevojat shëndetësore, si për të burgosurit ashtu edhe për stafin korrektues”, thuhet në komunikatë.
KMDLNj-ë, përmes komunikatës ka kërkuar nga Ministria e Drejtësisë dhe Ministria e Shëndetësisë të gjejnë mënyrën dhe mundësinë që për të gjithë të burgosurit të bëhet një kontrollë sistematike shëndetësore, së paku një herë në vit ndërsa për grupet me shëndet të cenuar këto kontrolle të bëhen më shpesh.
