Klubi i Shigjetarisë Tradicionale në Prizren, anëtar i Federatës së Shigjetarisë së Kosovës, do ta përfaqësojë Kosovën në garat ndërkombëtare.
Kjo është bërë e ditur në një njoftim nga ky klub.
Ata do të marrin pjesë në garën ndërkombëtare Conquest Cup KKTC, e cila do të mbahet në Lefkoshë, Qipro Veriore, nga 29 Korrik deri më 03 Gusht 2026.
“Klubi ynë do të marrë pjesë në këtë garë me një delegacion të përbërë nga 6 sportistë dhe 1 trajner, të cilët do të përfaqësojnë me krenari Kosovën dhe vlerat e shigjetarisë tradicionale në arenën ndërkombëtare. Pjesëmarrja jonë në këtë aktivitet është një mundësi e rëndësishme për promovimin e sportit, kulturës dhe traditës sonë, duke forcuar njëkohësisht bashkëpunimin ndërkombëtar në fushën e shigjetarisë”, thuhet në njoftim.
Një falënderim i veçantë shkon për YTB – Presidency for Turks Abroad and Related Communities, për mbështetjen e tyre të çmuar, e cila bëri të mundur pjesëmarrjen tonë në këtë aktivitet ndërkombëtar.
