Berat Gjimshiti nuk është i dëmtuar. Fillimisht u tha se mbrojtësi i Kombëtares kishte shfaqur sërish shqetësime, për këtë edhe u zëvendësua pas 45 minutave të para ndaj Parmës. Atalanta ndërkohë zbuloi sot listën për sfidën në Champions ndaj Union SG dhe Gjimshiti shfaqet i gatshëm.
Ky lajm gëzon tifozët. Jo vetëm të klubit të Serie A, por edhe të Kombëtares. Dëmtimi i Ardian Ismajlit është një shqetësim më vete te Torino ku pritet të kthehet në mars. Për këtë, nëse Gjimshiti do të ishte po ashtu i dëmtuar do të rëndohej situata në repartin difensiv.
Atalanta mban vendin e 13-të në renditjen e Champions. Për shkak se është me pikë të barabarta sa PSG e vendit të gjashtë, mundësinë janë reale për t’u përfshirë në “Top 8”.
