Skuadrat nga Premier League po interesohen për trajnerin aktual të Interit, Simone Inzaghin.
E përditshmja “Tuttosport” raporton të martën se Manchester Unitedi, Chelsea dhe Liverpooli, janë skuadrat që po e duan Inzaghin për trajner prej edicionit të ardhshëm.
Madje, të trija këto ekipe po I shikojnë mundësitë për ta joshur teknikun italian më të përfunduar edicioni aktual. Inzaghi ka kontratë me Interin deri në verën e vitit të ardhshëm dhe një pagë vjetore prej 5.5 milionë euro.
Si Unitedi, ashtu edhe Chelsea e Liverpooli, janë të gatshëm t’i ofrojnë Inzaghit pagë vjetore deri në 10 milionë euro për t’u larguar nga Interi.
47-vjeçari prej vitit 2021 është në krye të Interit, ekip me të cilin ka fituar pesë trofe, tri Superkupa dhe dy Kupa të Italisë. Këtë edicion, Interi është lider në Serie A dhe favoriti kryesor për titullin e kampionit.
