Klubet angleze sytë kah Barella

Liverpool, Chelsea dhe Newcastle United raportohet se janë të interesuar të nënshkruajnë me Nicolo Barellan në verën e ardhshme.

E ardhmja e italianit ka qenë objekt spekulimesh gjatë dy viteve të fundit, me një numër klubesh të mëdha evropiane që thuhet se kanë treguar interesim.

Barella iu bashkua Interit fillimish në formë huazimi gjatë sezonit 2019/2020 përpara se të përfundonte një lëvizje të përhershme nga Cagliari te klubi nga Milano.

Ai tani ka regjistruar 210 paraqitje me “Nerazzurrët”, duke shënuar 21 gola dhe regjistruar 47 asistime.