Sot në Ditën Botërore të Shëndetit Oral, Qendra Klinike Stomatologjike Universitare e Kosovës ka nisur ofrimin e shërbimit të terapisë fikse ortodontike, shërbim ky që ka munguar në shërbimet stomatologjike publike në vend.
Me këtë rast, ministri i Shëndetësisë, Arben Vitia pa nga afër punën që po bëhet në këtë klinikë, përcjell teve1.info
“Ju lus të llogarisni në ndihmën time për çkado që varet nga unë si ministër që ky shërbim dhe shërbime tjera siç është përdorimi i Oksidulit të Azotit në procedurat stomatologjike, shërbim për të cilën tashme jemi në finalizim të rregullativës ligjore dhe protokoleve klinike krahas kërkesës nga klinika juaj që ta vëmë në fuksion që ky shërbim aq i domosdoshëm të bëhet i mundshëm për qytetarët tanë”, ka deklaruar Vitia.
Minstri Vitia po ashtu mirëpriti prezantimin e planit zhvillimor të Klinikës së Stomatologjisë përmes të cilit parashihet që nga ky vit, kjo klinikë të fillojë punën në dy ndërrime duke mundësuar shërbime shëndetësore në periudhë më të gjatë ditore për qytetarët. /Teve1.info/
