Në një konferencë për media, Klinaku theksoi se presin se çfarë do iu dorëzojë Kurti, shkruan teve1.info
“Përveç këtyre çështjeve që s’u dakorduam, ai tha do t’iu propozoj diçka me shkrim, e presim çka po dorëzon me shkrim. Por qëndrimi jonë mbetet vetem te pika 3.1. që të mos preket, sepse është bërë shkelje ligjore”, tha Klinaku.
Klinaku theksoi se me kryeministrin Kurti nuk janë dakorduar, teksa kanë kërkuar që të kthehet pika e cila e përcakton që paga e veteranit të luftës nuk mund të jetë më pak se paga minimale.
Klinaku potencoi se protestat do i vazhdojnë derisa kjo çështje të rregullohet.
“Ne i thamë që kërkojmë që pika 3.1. të kthehet dhe në seancat që do të mbahen, ne vazhdojmë protestat tona derisa kjo çështje të rregullohet”, tha Klinaku.
Dje, që nga mëngjesi e deri në orët e pasdites, veteranët e OVL-UÇK-së kanë protestuar para oborrit të Kuvendit për shkak të mospërfshirjes së tyre në Projektligjin për pagën minimale. Protesta ka kaluar pa incidente. /Teve1.info/
