Përveç kësaj, Klinaku thekson se edhe institucione qendrore dhe lokale në raste të caktuara kanë lejuar që të ndodhin këto shkelje të cilat i konsideron si fundamentale të njeriut të cilat lidhen me besimin.
“Gjetjet të cilat i ka cilësuar DASH janë si rezultat i një neglizhence të madhe të institucioneve shtetërore dhe në të njëjtën kohë një mos angazhimi apo një neglizhimi shumë i madh i kërkesave të cilat janë shkuar vazhdimisht tek institucionet qoftë prej bashkësive fetare, qoftë prej partive politike të ndryshme apo prej individëve të cilat i kanë ngritur këto shqetësime dhe institucione qendrore e lokale në raste të caktuara kanë lejuar që të ndodhin këto shkelje fundamentale të njeriut të cilat lidhen me besimin”, tha ai .
Tutje Klinaku në emisionin “Info Nata” në Tëvë1 tha se këtë cilësime në raportin e DASH-it duhet të jenë shqetësim për institucionet e Kosovës.
“Këto cilësime të cilat kanë ndodhur në këtë raport duhet të jenë shqetësim për institucionet dhe në të njëjtën kohë duhet të jenë inkurajim për të gjithë ata të cilët e shtojnë kujdesin dhe të cilët në vazhdimësi kanë ngritur shqetësime të jenë edhe më të zëshëm në kërkesat e tyre”, shtoi ai.
Departamenti Amerikan i Shtetit publikoi të enjten raportin vjetor mbi gjendjen e lirisë së besimit në botë, që përfshinë të dhëna për gjendjen e lirisë së besimit në 200 shtetet e territore dhe dokumenton shkeljet e kryera nga qeveritë, grupet terroriste dhe individët.
Raporti analizon në kapituj të veçantë edhe gjendjen e lirisë së besimit në Shqipëri dhe Kosovë.
https://teve1.info/lajmet/dash-publikon-raportin-mbi-lirite-fetare-kosova-me-probleme-te-trasheguara/
