Klinaku vlerëson se ky Kod Civil është mjaft i rëndësishëm, prandaj sipas tij duhet të miratohet.
“Kodi civil është tepër i rëndësishëm të miratohet, kemi të bëjmë me një akt juridik dhe me një arritje mjaft të madhe sa i përket këtij aspekti në Kosovë. Mirëpo, brenda atij Kodi Civil ka disa dispozita të cilat herë pas here paraqesin probleme. Prandaj, ne nuk e dimë se cili do jetë propozimi i ri i Qeverisë. Për aq sa kemi njoftime, draft Kodi Civil është në Ministrinë e Drejtësisë, tanimë pritet miratimi në Qeverinë Kosovës dhe pastaj të procedohet në Kuvend”, tha Klinaku në emisionin “InfoNata”.
Tutje, Klinaku konsideron se votat e deputetëve në Kuvendin e Republikës së Kosovës, kanë qenë korrekte në pajtim me bindjet e tyre.
Projektligji i Kodit Civil nuk ishte miratuar në Kuvend në lexim të parë. Lejimi i maretsave të personave nga e njëjta gjini që parashihet në Kodin Civil, u bë shkak që Kodi Civil të mos miratohet.
Disa deputetë të VV-së u shprehen kundër, ndërsa që partitë opozitare nuk kishin marrë pjesë në votim./Tëvë1.info/