Klinaku theksoi se politika ruse e vazhduar nga Serbia në vazhdimësi është përpjekur që t’i paraqes shqiptarët si njerëz konfliktuoz, e që kanë vullnet të marrin pjesë në luftërat e huaja.
Ai shtoi se beson që nuk ka ndonjë shqiptar që është për të marrë pjesë në një konflikt që direkt e prek Kosovën.
“Fatkeqësisht politika ruse e vazhduar ose e manifestuar edhe prej Serbisë në vazhdimësi është përpjekur që shqiptarët t’i paraqes si njerëz konfliktuoz ose si popull konfliktuoz dhe në vazhdimësi të paraqes si njerëz të cilët kanë pasur ose kanë vullnet të marrin pjesë në luftërat e huaja. Në këtë rrethanë që jemi, pa marrë parasysh pretendimet e individëve nuk besoj që ka shqiptar që është aktiv për të marrë pjesë në një konflikt që direkt nuk na prek neve”, tha Klinaku në “Info Nata” në Tëvë 1.
Juristi Klinaku shtoi se Paralamenti i Kosovës e ka hartuar një ligj i cili e konsideron vepër penale pjesëmarrjen në luftërat e huaja jashtë territorit të Republikës së Kosovës.
“Mos të harrojmë se ky Parlament ose legjislatura e para dy legjislaturave prej kësaj e ka nxjerr një ligj dhe ai ligj aktualisht e sanksionon si vepër penale 5 deri në 15 vjet dënimin e pjesëmarrësve të cilët marrin pjesë në luftërat jashtë territorit të Kosovës.. dhe mendimi jonë ose mendimi i çdo kujt në këtë fazë është i parëndësishëm përderisa e kemi një ligj dhe ai ligj e sanksionon këtë si vepër penale”, potencoi Klinaku. /Teve1.info/
