Tottenham me fitore minimale ndaj Burnley, ka marrë tre pikë të mëdha në Premierligë.
‘Spurs’ në xhiron e 37-të fituan me shifra 1:0 ndaj “klaretave”, por shumë të rëndësishme, në garën për një vend në Ligën e Kampionëve.
Ishte Harry Kane i cili shënoi golin e vetëm në këtë takim, pasi u tregua i saktë nga pika e bardhë në minutat shtesë të pjesës së parë.
Në pjesën e dytë edhe Burnley kishin mundësit e tyre, por nuk arritën t`i konkretizojnë ato.
Ekipi i Antonio Contes gjithashtu kishin mundësi të dyfishonin epërsinë, por fati nuk ishte në anën e tyre.
Kështu me këtë fitore, Tottenham merr përkohësisht vendin e katërt, ndërsa Burnley qëndron në vendin e 17 me 34 pikë
