Komisioni Qendror i Zgjedhjeve (KQZ) ka nisur publikimin e rezultateve të para të votave për kandidatët për deputetë, ndërsa deri më tani janë numëruar mbi 5 për qind e votave.
Sipas të dhënave të deritanishme, listën e kandidatëve më të votuar në Lidhjen Demokratike të Kosovës (LDK) e kryeson Vjosa Osmani me 3,172 vota.
Pas saj renditet kryetari i LDK-së, Lumir Abdixhiku, me 2,940 vota, ndërsa në vendin e tretë është Doarsa Kica-Xhelili me 2,248 vota.
E katërta renditet Hykmete Bajrami me 1,644 vota, ndërsa pesëshen e parë e përmbyll Avdullah Hoti me1,402 vota.
Sipas rezultateve të publikuara deri më tani nga KQZ-ja, në vendin e gjashtë renditet Ukë Rugova me 1,324 vota, i ndjekur nga Kujtim Shala me 1,187 vota.
Në mesin e dhjetë kandidatëve më të votuar të LDK-së janë edhe Janina Ymeri me 1,082 vota, Ermal Sadiku me 1,041 vota dhe Anton Quni me 933 vota/teve1.info/
