Beni Kizolli një nga organizatorët e tubimit solidarizues në Prishtinë për popullin e Gazës ka thënë se qëllimi i këtij tubimi ishte që të shprehin kundërshtinë kundër çdo forme të shtypjes apo shfarimit sistematik.
Ai në një deklarim për Tëvë1 ka thënë se ajo çfarë po ndodhë në Gazë nuk është luftë, por është tragjedi njerëzore.
“Ne u munduam të themi që jemi kundër çdo forme të shtypjes, shfarosjes sistematike dhe kundër pabarazisë që mohon të drejtën dhe identitetin e njeriut. Kemi kryer një obligim bashkë me qytetarët duke mos heshtur ndaj një shfarosje sistematike. Ajo që po ndodhë atje, nuk është luftë, nuk është mbrojtje, është një tragjedi njerëzore dhe përveç fjalimeve kemi pas edhe një ekspozitë përmes të cilës u munduam të paraqesim gjendjen e rëndë humane në Gaza të cilën është duke e përjetuar populli i Gazës”, ka thënë ai, duke falënderuar qytetarët.
Qindra qytetarë morën pjesën në këtë tubim i cili përfundoi i qetë.
Banorët e Gazës po përballen me krizën më të madhe humanitare ku dhjetëra persona kanë vdekur nga uria.
Izraeli ka vrarë mbi 61 mijë perona në Gaza që nga viti 2023.
