Për veprën që kishte kryer në vitin 2012, u dënua 12 vjet më pas.
Të akuzuarin Dardan Krivaqa, Prokuroria e ngarkonte për grabitje në një kazino në Ferizaj në vitin 2012, ndaj të hënën Gjykata Themelore e dënoi atë me 4 vite burgim.
Gjatë shpalljes së aktgjykimit në Gjykatën Themelore të Ferizajt, ky institucion e ka gjetur fajtor Krivaqën, pasi kishte tentuar në mënyrë të kundërligjshme të përvetësojnë pasurinë e huaj në bashkëkryerje, ku përmes përdorimit të armëve, thikës dhe revoles kishin marrë 1 mijë e 500 euro nga personi që punonte në kazino dhe ishin larguar nga vendi i ngjarjes.
Kurse Arbnor Likën, i cili akuzohej se veprën e kishte kryer në bashkëkryerje, gjykata e ka liruar në mungesë të provave.
Ndaj aktgjykimit lirues për Likën, avokati i tij Elmaz Zenuni tha se vendimi ishte i pritshëm.
Para se të merrej vendimi, në gjykatore ishin lëshuar disa video incizime të natës kritike, ku shiheshin dy persona teksa hynin në kazino dhe nën kërcënimin e armës kishin marrë të holla e më pas ishin larguar.
Por, Krivaqa në seancën paraprake kishte mohuar se ishte ftuar ndonjëherë për tu intervistuar nga policia dhe kësisoj pati mohuar se kishte dhënë deklaratë disa ditë pasi kishe ndodhur krimi.
Kazinotë dhe lojërat e fatit janë të ndaluara me ligj në Kosovë nga 2019-a.